النتائج 1 إلى 2 من 2

الموضوع: دفع الفاتوره

  1. #1

    الصورة الرمزية محمود محمود
    تاريخ التسجيل
    Nov 2017
    الدولة
    مصر
    المشاركات
    9,814
    شكراً
    6,152
    تم شكره 3,716 مرة في 3,143 مشاركة

    دفع الفاتوره


    فى مرحلة عمرية فى حياتنا اسمها "دفع الفاتورة" ..
    مرحلة دفع حساب كل اللى طلبناه قبل كده
    المرحلة دى بتبدأ مع دخولك فى سن الخمسين
    اللى بيحصل ان الحياة كانت ماشية زى الفل .. طفولة ومراهقة سعيدة .. بيت دافى .. حضن الكبار اللى حواليك اللى مفتوحلك ٢٤ ساعة .. اصحابك ليل نهار معاك مبتعملوش حاجة فى الدنيا غير الضحك ..
    شوية وتسحب معاك للعشرينات .. مستقبل مشرق .. وظيفة .. علاقات .. حب .. ارتباط .. سن ال ٣٠ .. جواز .. عيال .. كل ده تمام انت لسه مقضيها فسح واستمتاع ودلع

    وفجأة .. ومن غير مقدمات .. تدخل على الخمسين .. تصحى من النوم .. تلاقى نفسك اتغيرت .. شريك او شريكة حياتك اتغيروا .. عيالك كبروا ..كبروا امتى؟؟ .. مش مهم المهم انهم كبروا وطالبين منك طلبات كتير .. وحالا .. مراتك ولا جوزك طالب منك طلبات .. ضغوط الشغل بقت مهولة .. بتضطر تقبل حاجات وضغوطات مكنتش بتقبلها قبل كده .. اهلك بيكلموك عالموبايل عايزينك تروحلهم وفى حاجة خطيرة أو طالبين منك حاجات برضه حالا ..
    اليوم بقى عبارة عن قائمة من المهام بتخلصها لغيرك مش لنفسك .. وقتك ومجهودك وطاقتك بقت لغيرك مش ليك.
    تروح تزور اهلك تلاقى ابوك كبر .. الراجل السوبر هيرو ده بقى يمشى فى البيت بالعافية .. امك السوبر تيربو بقت مش عارفة تعمل لنفسها حاجة سخنة تشربها .. و بعد كده بيختفوا الي الابد 😪😪😪 تروح مناسبة عائلية تلاقى قرايبك كبروا اووووى وتفضل تبص عليهم وانت مستغرب ..ده غير عيالهم اللى كبرو وخلفوا وعيالهم بقوا يجوا يسلموا عليك ويقولولك يا انكل...انكل مين يابنى بطولك وشنبك ده؟؟ .. هو انا بقيت انكل؟؟ .. طيب امتى؟؟
    الافراح فى السن ده بتقل قوى لان اللى فى سنك واللى أصغر منك بعشر سنين اتجوزوا .. والعيال لسه بدرى على جوازهم .. اللى بيكتر قوى الفراق .. بتودع كبار كنت يوم بتلعب على حجرهم وبتودع الأمان معاهم .. الخوف كمان بيزيد .. خوف على ولادك وعلى مستقبلهم .. على بيتك اللى شقيت على ما بنيته ..على اهلك اللى خايف تفقدهم فى اى لحظة .. على شغلك اللى تعبت فيه ومبقاش مستقر .. بقى يتزعل منك .. يتلام عليك .. محدش بيرحمك لو غلطت حتى لو مش قاصد .. محدش بيطبط عليك زى زمان لما كنت صغير ويقولك معلش .. عادى .. حصل خير .. !!!
    فى الخمسين الناس كلها فجأة بتعاملك كإنسان ناضج بكل قسوة حتى ولو مش قاصدين .. مش من حقك تضعف أو تتعب أو تحس انك محتاج وقت لنفسك أو تكتئب ..
    بمعنى اوضح فى السن ال ٥٠ الدنيا بتديك الفاتورة وعليك تدفع حساب كل اللى فات .. !!









    اللهم انت الحافظ وخير الراحمين..

  2. الأعضاء الذين قاموا بشكر العضو محمود محمود على المشاركة المفيدة:

    ✨لـﻣـ⚘ـسة ζـ₰ـرايـر✨ (منذ أسبوع واحد)

  3. #2
    t الصورة الرمزية ✨لـﻣـ⚘ـسة ζـ₰ـرايـر✨
    تاريخ التسجيل
    Jan 2021
    الدولة
    ........
    المشاركات
    1,515
    شكراً
    839
    تم شكره 177 مرة في 159 مشاركة

    جزاك الله كل خير
    على هذا الموضوع القييم
    بارك الله فيكِ وعافاك
    سلم لنا طرحكِ المفيد
    وسلم لنا ذوقــــك
    جزاك الله خيراعظيما
    وجعل ماقدمتيه
    في ميزان حسناتك
    [CENTER]






معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •